السلام لكم
من ابداعي وقصيده ارجو ان تعجبكم
سر يا قلم وأكتب تعابيـر محـزون
من ضامر شيخ الهموم التـوى بـه
اكتب تراي اليوم حاضـر وممنـون
خـل المعانـي لـي ولـك الكتابـة
وهبة كريم حاكمـه عقـل مـوزون
أليا بدعت القـاف محـدن لقـا بـه
أرتبـه بـآداب وأرسـم بـه فنـون
فيـه أتغـزل وأمتـدح وآهجـا بـه
أنا لقيت الشعـر كلمـة ومضمـون
جابـه بهـا معنـى ثلاثيـن جابـه
يسلى بها قلبن مـن الهـم مشحـون
أليـا عثابـه واشتكـى مـا عثابـه
وش عاد لو قالوا بالأشعار مفتـون
بعض البيوت تنسـي القلـب مآبـه
بعض العرب هرجه على الكبد طاعون
مزحه ورزحه مختلـط فـي جوابـه
يقول هرجة عقل من رأس مجنـون
ويزيدهـا بأسلـوب خبـث وخيابـه
هرجه يزيد الضغط والسكـر وقولـون
والله يعيـن المبتلـى فـي جنـابـة
وأحدن كلامه يشرح الصـدر مـوزون
تحـس فـي نبـرة كلامـه حبابـه
يدارى المشاعر ويترفق علـى هـون
معطيـه ربـي باللسـان الـذرابـة
ومادم سري بيـن الاظـلاع مدفـون
وسط الحشاء مافيـه حـي درى بـه
أنا غني لو قالـوا النـاس مديـون
عندي غنـاة النفـس عـز ومهابـة
تهـون هالدنيـا بعينـي ولا أهـون
والله مـا تسـوى جنـاح الذبـابـة
ارجي كريم بأمـره الكـاف والنـون
لو صكت الأبـواب مـا صـك بابـه
